頂替Shiga 鄭融望「舞男」回報

柏豪前晚請來好友鄭融及張敬軒（軒仔）做嘉賓，由於連詩雅（Shiga）失聲缺席，由鄭融頂上獻唱《到此為止》。鄭融笑言柏豪的巨胸太濕，故不敢觸碰：「留番Quota喺我開音樂會時，要佢赤裸上身做舞男回報我！（怕柏豪女友喺度先唔敢摸？）唔係！」

至於軒仔的出現掀起高潮，但他自爆愧對柏豪：「我哋都係攝影發燒友，有次我開口問佢：『不如你幫我影唱片封套啦！』點知我之後患情緒病，計劃告吹咗！之後喺朋友口中聽到柏豪為咗呢件事買咗全新攝影器材，我覺得好內疚同遺憾，趁今日咁多人，我承諾會寫歌畀佢！」