柏豪SM真人騷慶合合

歌手周柏豪前晚開騷大晒胸肌，更與女舞蹈員大玩4P，連兩點及「小豪」都唔放過！他再與緋聞女友鍾浠文咀到「鼻都歪埋」，潮男激變SM男，最後出埋淚功冧粉絲！

人氣歌手周柏豪前晚在九展舉行《PAKHO IMPERFECT LIVE 2012》演唱會。柏豪以一曲《黑》打開序幕，唱到一半才扯開頭紗，露出白色吸血鬼眼！

柏豪隨即領3名SM味甚濃的女舞蹈員出場，她們逐一玩挑逗，先有人在柏豪前面「拱橋倒奶」，並伸腿夾實他的腰間，柏豪亦回禮由腳摸至腰！另一位舞蹈員則埋身「肉搏」借位激咀，最後一位則從後胸壓，伸手入他衫內「胸襲」兼吹耳，更脫下柏豪的外套露出肌肉！三女把他全身連「小豪」都摸勻，柏豪被三女以鎖鏈箍頸，搞到他跪地求饒，最後三女把頭依在柏豪大髀上，SM味爆燈，全場High爆！

演唱會後半部，柏豪邀得緋聞女友「翻版徐子淇」鍾浠文伴舞，以低胸內衣出場的她露出3吋事業線及半邊Pat，更一手扯柏豪埋身擁抱兼激咀，由於力度太大，二人咀到鼻扁，相當激烈！後來他獻唱悼念婆婆，不禁流下男兒淚。

認觸及「小豪」

事後接受訪問時，問到圈外女友Stephanie可有撐場？柏豪支吾以對，對於激咀鍾浠文？他說：「大家熟，外形匹配！（唔熟唔咀？）唔識仲尷尬啦！（你揀人選？）橋唔係我度，但有畀意見！（畀舞蹈員摸到小豪？）有摸到！感覺到，不過表演一部分，唔覺得佢哋抽水！」可有「反擊」摸到對方胸部？他語氣肯定地說：「冇！（因為女友在場？）唔係，喺唔喺度都要檢點，何況我父母都喺度！（意識大膽？）好Enjoy、好睇、好難忘！」