陳豪過甜蜜聖誕

藝人陳豪昨日出席活動時透露，今個聖誕節會與已榮升「家人」的女友陳茵媺共度。蜜運中的他坦言送了一件「甜」的禮物給女友。兩人愛得甜蜜，難怪對前女友廖碧兒的感情生活已毫不關心，更說今個聖誕雖冷，但亦十分溫暖及有氣氛。

陳豪昨日出席《第二屆香港小丑節》頒獎典禮，席間自言做小手藝技巧不俗，問到他整過甚麼給女友陳茵媺（Aimee）時，他再次搬出標準答案：「咖啡。（仲有冇？）等我搵機會再整畀佢。」昨日是Boxing Day（節禮日），問到他送了甚麼給女友時，陳豪指是秘密：「係一件甜嘅禮物。（聖誕點過？）同家人開Party，食聖誕大餐。（Aimee在場？）佢都喺度。」

撐林峯多Fans

談及前女友廖碧兒跟闊少林忠豪的傳聞，他隨即劃清界線：「冇啦，過咗去嘅事唔想再作任何回應，我已經Move Forward（向前看），過去嘅一切已經唔太重要，而且我依家好開心。（如前度搵到男友，會戥佢開心?）我唔方便做回應。（祝福都唔會？）咁我都希望佢有更好嘅將來。」提到曾表示想介紹其兄長給唐詩詠認識，陳豪否認是為詩詠作媒：「我唔敢，點敢呀，詩詠姐喎！（你哥有女友？）佢嘅私生活我唔敢公開講，我驚畀佢打死我，雖然佢係Market上嘅Hot Item，不過唔好搞我阿哥啦，佢好低調。」

另外，有傳林峯因失落視帝而罷工，陳豪聽罷好奇地問：「堅定流o架？阿峯不嬲都多Fans，而且佢一直進步緊，大把機會啦。（唔信佢唔撈？）佢唔撈唔係我嘅損失呀，但係佢點同啲Fans交代呀？而且佢嚟緊都有演唱會，應該唔會啦！」