陳柏宇咀女友變「孖膶腸」
歌手吳若希（Jinny）及陳柏宇（Jason）昨日出席活動，雖然氣溫急降，但Jinny竟以短褲騷長腿示人，即被取笑要靚唔要命，她搞Gag說：「公司冇長褲我着。（你冧唔掂老闆何哲圖？）係我賺唔夠錢買長褲。」有傳何哲圖對鍾嘉欣寵愛有加，Jinny笑笑口說：「老闆好錫我哋。（有冇攬同抱你？）冇。」
剪了新髮型的Jason被問到唱片公司人事變動，他說：「係，初時都擔心，不過老闆親自打畀我派定心丸。」他又自爆與模特兒女友符曉薇「Kiss」時搞到變「孖膶腸」：「因為我有皮膚敏感，佢錫完貓再錫我，搞到個嘴又紅又腫。」
