張敬軒加盟英皇好事近

歌手張敬軒早前約滿環球，盛傳已決定加盟英皇，昨日軒仔出席活動時未有否認：「大致有個方向啦，遲啲話畀大家知。」問到加盟英皇會否威脅到古巨基一哥的位置？軒仔說：「無論去邊一間公司，我都唔會成為任何人嘅威脅，只會齊心為公司。」活動期間，英皇行政總裁吳雨主動與軒仔在台上握手，似乎雙方都「好事近」，問到軒仔加盟一事？吳雨坦言一直希望和他合作，又很欣賞其音樂才華。