趙哲妤遭禁錮逼拍裸照

前中國小姐趙哲妤（Uny）前晚出席活動時自爆，入行前曾遇過不道德的攝影師，更遭對方禁錮：「嗰時我咩都唔識，去咗間Studio拍造型照，個攝影師氹我除衫，初初話除低一、兩粒鈕，之後叫我除埋個Bra，淨係用頭髮遮住心口，我唔肯，佢又叫我飲杯嘢，我梗係唔飲，勁驚，佢就鎖住我唔畀我走，又唔畀我打電話！」她表示花了個多小時才成功脫險，事後在網上討論區發現原來已有網民大數對方不是。

同場的Naomi對於有網民指她以遭非禮一事博宣傳感傷心，她說：「話件事大贏家係我，都唔知我贏乜！」當晚最性感的張暖雅透露在人生最低潮時得到主辦機構幫忙：「佢介紹依家個老闆畀我識，所以今次打碟唔收酬勞同埋咁性感。最低潮時係畀男友騙財，連食飯錢都冇。（以身相許？）『扑』（幫）過我嘅人有好多，唔會用呢啲嘢報答！」她昨日出席活動時表示，即使有人不喜歡，她都會照行性感，最重要賺到錢和有工作。