朱晨麗聖誕冇仔約

最近與馬國明傳緋聞的前港姐朱晨麗，參選後機會不斷，更獲安排參演重頭劇《名媛望族》，不過演技備受批評，更遭網友惡意抨擊，她眼紅紅說：「我真係為角色努力過！我知道Focus多先會有咁多評論，但作為新人唔係好識Handle，要等自己慢慢成長。（難受？）佢哋用粗口話我，唔係善意，真係接受唔到。佢哋唔係好識我，但就一腳踩埋嚟，有啲叫我退出唔好再拍劇，又話我樣衰，快啲整容！」

談及聖誕，問到有否男生邀她去派對，她回復笑容並說：「有追求者，不過冇約我，如果有朋友邀請我去派對，有時間都會去。（甜蜜回憶？）都分手兩年啦！以前試過煮聖誕大餐，係最後一次整，希望將來係人哋整畀我。」