關淑怡被囝囝鬧Shut Up

將在明年舉行個唱的關淑怡昨日出席記者會時心情大靚，更擺自己緋聞上枱，她自爆向兒子提及傳聞曾志偉是爸爸時，兒子即大叫：「Shut Up！」

近年備受各種負面新聞纏擾但絲毫沒受影響的關淑怡（Shirley），宣布明年2月2及3日舉行兩場《Philip Stein presents Your Favorite Shirley關淑怡演唱會》。她昨日以一襲金光閃閃的服裝出席演唱會記者會，並說：「外界成日有傳聞話我懶、失場同失蹤，我就要話畀大家聽我係一個專業歌手，唔係淨係識喺YouTube唱歌。」

為了支持好友，譚詠麟（阿倫）及周慧敏更專誠到場，而阿倫的出現令Shirley非常驚喜：「你哋話有驚喜，我仲以為係曾志偉，試過見到志偉上電視，然後我指住電視同個仔講，啲記者哥哥話呢個係你爸爸，點知佢即刻話『Shut Up, It's Not True！』」

阿倫「兜巴星」

阿倫笑言要送Shirley一巴掌，因對她早前在網上發表尋死念頭的留言仍氣上心頭：「令所有關心你嘅人擔心！」Shirley對近年的傳聞有感而發：「阿倫睇住我大，多年來有好多關於我嘅傳言，我想講我哋寶麗金（環球唱片公司前身）出身係絕對唔會有失場同失蹤呢種行為。」

此外，她澄清接騷從未獅子開大口，而有傳兒子的父親是曾志偉更是荒謬，她表示面對種種困擾仍感覺難受，幸好已雨過天青，故會用最好的演出報答支持者。