阿澤寸君如乞人憎

杜汶澤明年2月假會展開《咔啦騷》，昨日他褲頭插蔗出席記者會，自爆當年任職酒店侍應時，曾遇到吳君如與一位與他同姓的藝人撐枱腳：「我仲帶過佢去廁所，嗰時君如好肥又奄尖，好乞人憎！」並笑說：「公司話我成日攞朋友嚟玩，不如撈番筆，幾驚佢哋叫我去酒店出席飯局唱K，到時真係要洗定八月十五……」他預告連老婆田蕊妮都照爆：「爆佢點趕走晒我身邊啲女仔！」為了開騷，他推了兩部戲，賺少7位數字酬勞。