周汶錡聖誕整火雞

今年與法籍男友Julien拉埋天窗的名模周汶錡（Kathy），將與老公度首個婚後聖誕，Kathy專誠到中環名店Valentino揀靚衫，問到是否與老公燭光晚餐？她說：「聖誕我哋會留喺香港，不過唔會二人世界撐枱腳，呢啲大時大節，當然要同一大班朋友慶祝，到時仲會交換禮物，我會下廚整火雞。（你哋唔係「無飯」夫婦嗎？）唔係，老公嘅廚藝唔錯o架！我哋平時都會玩吓煮飯仔，佢煮中餐西餐都好畀心機，我就冇佢份心機同心思。（聖誕唔使陪老爺奶奶？）佢哋已經安排咗節目。」她覺得婚後與Julien一起時感覺有點不同，相信這就是夫妻的感覺。

她又指揀選聖誕禮物給老公，非常頭痛，又透露農曆新年會到法國。問到是否避年，她才如夢初醒說：「係喎！我結咗婚要派利是，但去法國係諗住假期多去滑雪咋！」她又表示明年會努力造人。