王馨平開騷跳到「甩褲」

王馨平（Linda）前晚舉行音樂會，舊愛鄭嘉穎送上紫色巨型花籃祝賀，老公Stephen滿場飛招呼親友。Linda全晚多次感觸落淚，當提到與爸爸王羽的一段父女情時，更哭訴：「爸爸係個好嚴格嘅舊派男人，但其實我都好反叛！細個佢唔畀男仔打電話畀我，咁咪我打去囉！」直至父親去年中風入院後，父女關係才愈見親密。

除好姊妹黎瑞恩上台合唱外，年屆四字頭的周慧敏亦與Linda大唱大跳《美少女戰士》，全場High爆，她們笑說：「我哋到咗呢個年紀，都冇咩包袱，但係觀眾頂唔頂得順？」一輪勁舞後，瘦了不少的Linda更跳至險甩褲，即場躲在工作人員後整理。Encore時，她換上緊身開胸裙獻唱，事後，她表示有練習邊喊邊唱時不走音，問到可有留意嘉穎送花籃？她說：「唔知，依家忙完終於可以搵佢，我仲差佢一餐飯！」