梁烈唯黃智雯「夫妻檔」擸飛躍獎

「飛躍進步男藝員」由「關二哥」梁烈唯奪得，他上台前興奮得吻身旁的羅仲謙，上台後他又吻獎項，感性地表示要多謝黃智雯、胡定欣及羅仲謙等：「當我想放棄自己嘅時候，家人好支持我！同黃智雯一齊努力，一齊拎係最有意義，好似完成咗心願咁，漏咗多謝三哥（苗僑偉）、三嫂（戚美珍）同傳媒。」他更公開多謝拍拖多年的女友：「仲有陪我走咗十年路嘅好好朋友Tina。」至於「飛躍女藝員」則由「關二嫂」黃智雯奪得，她在台上表示要多謝樂易玲、公司和梁烈唯等：「要多謝家人，無論我做咩小角色、有冇對白，佢哋都係為我吶喊同歡呼，好開心同梁烈唯一齊拎獎！」另外，郭可盈在微博大讚梁烈唯演技出色，陳小春則留言向他催婚。