古明華乸贏陳國邦攞男配

「最佳男配角」由劇集《巴不得媽媽...》中的古明華（蘇基）奪得，滿頭大汗的他激動地說：「多謝阿邦頒個獎畀我，佢台上畀咗我好大鼓勵，話我發展得比佢辛苦，我好感動。」本來是普通藝員合約的他，在頒獎禮前夕剛簽了經理人合約，成為無綫親生仔，一擊即中。落敗的陳國邦宣讀對太太羅敏莊和女兒愛的宣言後，落台後向太太獻吻贏掌聲。

胡定欣憑劇集《拳王》大熱奪「最佳女配角」，在勁敵黃智雯手上接過獎項，定欣說：「今次真係過五關斬六將，過到第三關嘞！多謝公司十年來畀我每一個機會！」當黃智雯問由誰讀出得獎者時，鄭裕玲按捺不住：「唔係你嘅，咪由你讀囉！」講感受時又被叫「冇嘢講就Cut咗佢啦！」