靚湯新戲首映押後

美國康州小學槍擊案前日發生後，原定昨日舉行的男星湯告魯斯（Tom Cruise）動作新片《烈探狙擊》（Jack Reacher）首映禮宣布押後，以示對受害人家屬的尊重。

在槍擊案發生後的敏感時刻，派拉蒙電影公司有見《烈》片內容暴力，宣布將原定昨日於匹茲堡舉行的首映禮押後，以示哀悼及對受害人家屬的尊重。而離婚後的靚佬湯前日於瑞典夜蒲，邀請一班年輕女子進入貴賓區，他整晚與一個金髮女子親熱聊天，還替她倒香檳，不過靚佬湯蒲到凌晨3時左右便獨自離開。

Miley痛心小孩遇害

荷里活藝人於網上紛紛向槍擊案死難者致哀，女歌手Miley Cyrus說：「點解會發生咁嘅事？點解壞事會發生喺好人身上，特別係細路仔？」女歌手Rihanna則說：「上帝保佑！冇人應該經歷呢種事！我為受害人家屬祈禱！呢個聖誕將會唔好過。」導演米高摩亞（Michael Moore）亦說：「正正18小時前，共和黨啱啱霸王硬上弓通過一條法案，令帶槍到學校或託兒所合法化！要還遇害兒童一個公道嘅方法就係要求更嚴厲嘅槍械管制，免費精神治療同消除暴力嘅公共政策。」同樣認為要管制槍械的還有女星美亞花露（Mia Farrow）、女星蘇珊莎朗頓（Susan Sarandon）、男星賓史迪拿（Ben Stiller）和日本女星中川翔子等，居日歌手陳美齡則希望死難者安息。