陳慧琳台上認子

《蝦仔爹哋Ⅱ》前晚開鑼，客串嘉賓陳慧琳在台上爆肚，笑指生了個「小龍包」鄭則士！黃宗澤則被寸「精蟲！」而草蜢亦逃不出林建明手指罅，慘遭「搜身」兼「偷桃」，非常爆笑！

舞台劇《蝦仔爹哋Ⅱ》前晚假九展正式公演，這晚有陳慧琳（Kelly）、草蜢、梁家輝及黃宗澤（Bosco）客串坐鎮，星光熠熠！戚美珍、賈思樂、盧海鵬及「大姐明」林建明先以連串經典金曲打頭陣。鵬哥更大跳Psy的《江南Style》，隨即令全場High爆！Kelly演唱後，大姐明摸她的肚，笑說：「都唔似生過嘅！你生咩？」被指細仔「小龍包」酷似鄭則士的Kelly即搞笑說：「生Kent哥！」語畢鏡頭即轉向坐在台下的Kent哥，Kelly不禁說：「好似！」引來全場大笑！她笑言生到個似Kent哥的仔好抵：「咁巨型，做阿媽實鍾意個仔強壯，夠分量好緊要，唔係個個得o架！老公都話似，其實係張相似，個人唔似。」

劇中講述廿五年前家輝與Bosco爭三嫂，家輝爆肚寸Bosco：「廿五年前你仲係一條蟲蟲！」大姐明亦抵死地加把口說：「精蟲！」對話意淫！

蔡一傑慘遭「偷桃」

至於草蜢也不能幸免，蔡一傑除被大姐明摸勻全身外，更慘遭「偷桃」！事後蔡一傑笑說：「唔知搜咗啲咩！（有失守？）唔知呀！我咩都唔知！（預咗？）預咗好玩，知道會爆肚，出場前都好緊張！」