四姨太預告飯局祝捷

劇集《名媛望族》演員楊怡、劉松仁及馬國明等，前晚到將軍澳新都城與觀眾齊睇大結局，以京劇造型亮相的楊怡獲悉松哥撐馬國明及她封視帝、視后，劇中演四姨太的她信心爆棚說：「梗係，我係佢老婆喎！之前喺馬來西亞攞獎都想請台前幕後食飯！（攞埋無綫視后一次過食？）可以再食o架！」馬國明則多謝松哥賞識：「獎項對我哋呢啲小朋友至有意思！（驚Fans唔夠多，投票輸蝕？）要輸得起！可能有好多平時唔現身，但會投票嘅Fans，冇話邊個熱門！」而馬賽與江美儀邊睇劇邊喊，與喪插結局充斥回憶鏡頭、男演員向女演員下跪七次的網友反應兩極。

此外，沈卓盈否認取代徐淑敏到南京拍旅遊節目：「不嬲都係我！（佢心情點？）唔知，冇聽過佢被停Job。」