法拉扮醜女呼聲高

花旦陳法拉在劇集《東西宮略》中飾演有情有義的醜女「鍾無艷」，大犧牲畫花粉臉，而且舉止粗豪完全不似平日的她，搞鬼演出令人耳目一新，跑出勇奪「我最喜愛的電視女角色」亦不出奇！對於得到不少好評，法拉開心不已的說：「有人睇好已經好好，我當然想拎啦！拍《東》劇都幾辛苦，每個演員都好畀心機，但投票嘅嘢，我控制唔到。（落力拉票？）唔使，最緊要娛樂到觀眾，我年年都睇得好開。（叫Fans拉票？）佢哋都好低調。」

至於男角色方面，輩分甚高的劉松仁在《名媛望族》中周旋於五女之間艷福不淺，其風流倜儻的演出隨時有望贏獎。