宅男女神苟芸慧（苟姑娘）昨日出席商場活動，吸引大批粉絲捧場。她即席表演吹奏單簧管，盡展多才多藝一面。大會安排兩名粉絲帶同香檳預祝苟姑娘可在台慶頒獎禮中奪獎，令她開心不已！
但苟姑娘對於角逐「最佳女配角」和「飛躍進步女演員」似乎信心不大：「今日畀機會我發表得獎感言，好大壓力！（冇諗過？）冇呀！可能嗰日冇機會講！」她稱對得獎抱平常心，覺得獲提名已是一個肯定：「有冇獎唔重要！（最大對手係邊個？）女配角就胡定欣，飛躍就黃智雯！」
苟芸慧吹單簧管，果然內外兼備。
兩位男粉絲送上香檳，預祝苟芸慧台慶奪獎。
