Linda自製聖誕卡喊爆

鍾嘉欣（Linda）認為聖誕節應與家人溫馨同度，她表示以前在加拿大都是與家人在家中同度聖誕：「屋企有火爐，亦擺咗一棵好大嘅聖誕樹，會一齊布置，我最鍾意一邊掛糖一邊食糖，好Sweet！我哋唔興送禮物，但鍾意包啲假嘅禮物放喺聖誕樹下面。」她透露由小時候到十八、九歲都會親手畫聖誕卡給父母：「依家有時返溫哥華，媽咪都會攞番畀我睇，我會睇到喊！」

嘉欣每年聖誕都要工作，但反而覺得開心：「節日係搵錢嘅時機，自己仲細，都想積極做嘢先，只希望家人開心！」她表示父母於聖誕前夕返回溫哥華，她亦要出席倒數活動：「25號都有啲時間，睇吓可唔可以約到李亞男等一班好姊妹出嚟食飯同交換禮物，其實禮物唔需要貴重，最重要係氣氛！」問到怎樣跟男友慶祝時，嘉欣坦言感情事向來低調，故不欲多提。