蔚雨芯初戀獻曉明王子

樂壇新人蔚雨芯自言最愛聖誕節，今年的聖誕願望是除了工作不斷外，還想找到一個像夢中情人黃曉明般的男朋友！

首度以歌手身份過聖誕的蔚雨芯（Rainky）表示，由細到大最愛此節日，全因假期多及有禮物收，仍未初戀的她透露今年的聖誕願望是得到一位男友：「都想拍拖，雖然有人追，但仲未遇到一個合眼緣嘅！」問到理想男友是甚麼類型？Rainky說：「黃曉明，我鍾意啲高大、有男子氣概同成熟嘅男仔，但我身邊好少呢類男性朋友。可惜依家都未見過黃曉明，真係好想同佢合照！聖誕願望除咗多啲工作外，就係想搵個好似黃曉明嘅男友！」她又滔滔不絕地表示如果將來拍拖，希望可在家中過聖誕，不用到街上逼餐飽，雖然恨拍拖，但現年19歲的Rainky希望再大一歲才獻出初戀。

瘋尋「天空之鏡」

聖誕佳節將至，Rainky曾與朋友開派對及交換禮物，卻有一個「嬲爆」經歷：「有年我交換番嚟嘅聖誕禮物竟然係一張白紙！因為我哋返屋企先可以拆禮物，一拆開嗰下真係好嬲，好冇誠意！」而熱愛旅行的她，最想去有「天空之鏡」之稱的南美烏尤尼鹽湖過聖誕：「嗰度全部都係鹽地，個天同地好似拼埋一齊咁，仲會有北極光！」Rainky從朋友口中得知這世外桃源後，在網上瘋狂搜查有關資料：「睇完相喺度諗，點解呢個世界會有咁靚嘅地方？真係好想親眼睇一次！」