G.E.M.自爆死穴扮溫柔

歌手G.E.M.（鄧紫棋）首次為迪士尼全新動畫《無敵破壞王》配音，她大讚角色猶如度身訂造，聲演起來得心應手：「個主角同我性格一樣，都係好爽朗同堅強，同埋好鍾意講嘢，我諗呢個都係佢哋搵我配音嘅原因。（多唔多NG？）過程好順利，覺得自己都有天分。」G.E.M.亦難忘與影帝黃秋生合作，笑言難敵其搞笑本領：「每次聽到佢用把好Man嘅聲去講卡通化對白都忍唔住笑。」她又自爆死穴是扮溫柔：「好彩今次配音唔使我扮溫柔，曾經有台灣電影搵我試鏡，但一試完就知冇希望，因為我做唔到好柔弱嗰種性格。」談到甚少拍電影，原來她對演戲有恐懼，更着公司不要接電影工作：「我好驚拍戲，尤其床戲同咀戲。」問到會否叫男友捧場，她笑說：「總之係朋友就自動自覺幫吓手買飛入場睇。」