陳嘉桓唔急搵男友

藝人陳嘉桓喜歡聖誕節，可惜加入娛樂圈後與朋友見面機會減少。今年聖誕，她終於有機會在香港度過，她說：「做藝人聖誕節都係一個黃金工作機會，所以我打算喺聖誕前去一次旅行休息一下，等聖誕節可以工作搵錢同埋同朋友共度。」她以打女姿態殺入娛樂圈，高挑身形令人感覺她很硬朗：「好多人以為我好硬朗，其實我個人好開朗、爽直，一啲都唔粗魯，我都有溫柔一面。（好難搵另一半？）呢樣嘢急唔嚟，如果急住去搵都未必啱自己啦！兩個人喺埋一齊最重要係溝通到，兩個人相愛，Sweet得嚟都會畀人感覺到好相襯。」

問到會否想找到男朋友，她說：「咁又冇諗，我覺得身體健康同開開心心先至最重要，只要知足先係最快樂。」回顧2012年，她表示滿意工作表現：「上半年去咗泰國、沖繩同法國康城、巴黎等地方，令我大開眼界，見識到好多事物。」2013年即將來臨，她希望參與電視劇，認為是一個很好的磨練機會。