藝人蕭家浩（Edmond）早前在籌款節目中，表演唱歌及魔術，不但出錢出力，更不慎被燒傷，他說：「我唔想棟篤企唱歌咁單調，所以表演有火嘅魔術，初初練我都唔係好掌握到點控制啲火，試過燒傷手同燒燶衫！好在傷勢唔算嚴重！」雖然受傷，但Edmond亦不停練習，務求完全熟練：「到咗正式表演，我又要顧住唱歌，又要顧住表演魔術，始終都仲有少少緊張，但都算順利，起碼冇喺頭鏡前燒燶件衫先啦！最重要係可以畀個機會我娛樂大家，又可以做善事，一舉數得，好有意義！」
咪睇蕭家浩玩魔術咁熟手，其實曾練到燒傷手！
