馬志威一王三后威晒

火速上位的新進MV王馬志威（Edward）相約三位索模Pam、Chantale及Becky預祝聖誕節，更獲美女加冕做國王，不過看似瀟灑的Edward原來曾於聖誕被女飛，Hurt到爆！

曾為古巨基及容祖兒的MV擔任男主角的男模馬志威，日前相約Pam（張穎沁）、貝依霖（Chantale）及Becky（陳靜儀）預祝聖誕節，三女圍一男，難怪Edward全程非常風騷！他更獲三位美女戴皇冠「加冕」，並化身國王「點燈」，選了細細粒的Pam做女王，Chantale及Becky即流露羨慕表情，場面搞笑！其實兩頂仿製皇冠甚有來頭，Edward戴的是英王喬治五世於1911年出席印度王即位儀式時戴上的，Pam的則是去年「平民王妃」凱瑟琳與威廉王子舉行世紀婚禮時的配飾，價值連城，難怪眾人拿起時均小心翼翼。

提到最難忘的聖誕回憶，型男Edward表示三年前準備好聖誕大餐及浪漫節目後，女友卻提出分手，令他Hurt到今時今日：「當時拍咗四年拖，但佢竟然喺最浪漫嘅節日飛我，仲要完全冇先兆，咁先傷心！」Chantale表示去年在上海開P，最終卻醉到要被人抬走，因此今年會留家睇DVD及浸泡泡浴，勢要過一個「清醒聖誕」。

Pam傻更更趴地

至於Pam及Becky同樣最難忘在外地滑雪的白色聖誕，自認烏龍的Pam說：「因為我興奮得滯滑得太快，成個人趴落地搞到成塊面都係雪，畀朋友笑咗好耐！」熱愛旅行的Becky自爆因跟團而認識現任男友：「好似拍戲咁喺旅行團邂逅，Keep住聯絡一齊咗！」