文凱玲心「韓」鹹豬手

李蘊師妹文凱玲自爆外國異性緣強，去一趟旅行會被十多個外國人搭訕，強調單身的她憧憬與外國人拍拖，更希望對方留港生活。

文凱玲（Connie）自爆身邊有不少老外追求者，就連早前去韓國旅行，亦差點被外籍男子跟上酒店房﹗她憶述韓國「被抽水」之行時大呼心有餘悸：「本來一心諗住見識吓韓式夜店，點知畀人抽水！我畀人揸咗幾次Pat Pat，捉唔到『兇手』之餘，又逼到皮帶都唔見埋，之後仲畀個韓國男人一手箍住咗，就算我批都要十五分鐘先推開到佢！」之後她與同行友人轉到另一間夜店，更被十幾個外國人搭訕，她說：「佢哋邀請我哋幾個參觀佢哋屋企，仲話去我哋嘅酒店房，我梗係拒絕啦！」

單身得耐呻Dry

經此一役，以為Connie從此會與外國人「保持距離」，但原來她仍憧憬與外國人拍拖：「我都想同外國人發展，自己有唔少外國追求者，但仲未遇到合適嘅人。我單身咗一段時間，都Dry o架！不過異地戀就唔接受。」她更即場列出擇偶條件：「最好識廣東話、喺香港生活，年齡同職業都唔係問題，最重要係錫我同對我好！」