湯寶如開騷叫傑仔除衫

為紀念入行20年，湯寶如將於本月22日首度踏足紅館，舉行處女個唱《湯寶如20年零一夜狂歡演唱會2012》，更邀得多位好友如草蜢、阮兆祥、劉小慧及黎瑞恩等任嘉賓玩番晚，她說︰「臨近聖誕想大家玩得開心啲，唔好淨係坐喺度，想大家Enjoy。」曾被草蜢取笑舞技的她更要一雪前恥，她笑說︰「佢哋以前成日話我跳舞似『斬雞』，所以今次我一定會同佢哋死過，挑戰佢哋，希望佢哋可以唔着衫嚟！不過都係叫傑仔（蔡一傑）算，另外嗰兩個我唔敢叫，因為有家室。」此外，她對背歌詞大感壓力，笑言經常發開口夢背歌詞，似有精神病咁。」