Cammi單身過節酸溜溜

o靚模謝芷蕙（Cammi）日前率領師妹陳芷敏（Elke）、潘欣妮（Loretta）及趙詠瑤（Vivian）預祝聖誕，單身的她們都憧憬過甜蜜又浪漫的聖誕節！

謝芷蕙直言恨過浪漫聖誕節，三位師妹即異口同聲大爆工作繁忙，無暇談戀愛，恐怕要單身過聖誕。Cammi自爆今年邀約朋友搞聖誕派對，不過友人都成雙成對，只有她要單拖出席，她說：「佢哋全部人都有男朋友，得我一個係單身，成晚要望住佢哋甜甜蜜蜜，佢哋仲笑我冇拖拍。（恨拍拖？）其實唔想拍拖住，同埋仲未遇到心儀對象。」而Elke則表示想到外地過白色聖誕。

避免飲醉酒

俗語有云「平安夜，失身夜」，四位o靚模經常要性感示人，平安夜亦不例外，她們即場教少女可以如何「安全度過」。Elke說：「其實最容易出事係飲醉酒，雖然我本身唔飲酒，但其實女仔都應該避免飲酒，就算飲都應該量力而為，唔好飲醉。」Loretta和Vivian亦有自己一套，她們說：「最緊要係同信得過嘅朋友一齊玩，就算醉咗都有個照應，唔使怕畀陌生人抽水！」