區文詩與偶像親密接觸

DJ兼歌手區文詩（Angela）日前為商場的聖誕活動擔任嘉賓，一出場即被其偶像─芝麻街主角Cookie Monster熱情攬攬！童心未泯的Angela從小就是芝麻街的粉絲，她說：「我幼稚園一放學返屋企，就坐定定睇芝麻街，仲睇足兩個鐘！仲要媽咪買所有文具和書包都係芝麻街角色。依家我仲有儲起好多芝麻街文具，仲珍而重之咁放晒入膠盒，到將來我有細路嘅時侯，就可畀佢哋用！」聖誕節將到，Angela會一腳踢舉辦一個盛大的聖誕派對，邀請家人、男友和一班老死歡聚一晚。