趙勁皓Keep住谷肌
周秀娜師弟兼有翻版柯震東之稱的趙勁皓（King）早前應星級化妝師好友Mak Tung邀請，客串擔任《男士形象工作坊》課程導師，吸引數十名男士參與，朱晨麗緋聞模特兒男友小海（Eddy）亦有出席支持。曾任健身教練的阿King擁有健碩身形，穿上背心的他親身示範健身技巧，在地上做出掌上壓等動作，他說：「我由細到大都好鍾意運動，每星期會定時打籃球同健身，起初都覺得辛苦，但堅持一段時間見身形好咗，就會愈做愈有恒心。」
阿King直言練成肌肉身形後自信心大增，問是否女士也特別留意他？他笑說：「都會o架！好多女仔都會問我健身嘅嘢，我都好樂意教佢哋。（主動追你？）都試過，初時以為打畀我想問健身啲嘢，後來知道佢鍾意我，但我對佢冇Feel，依家大家仲係朋友。」
趙勁皓（中）為化妝師好友Mak Tung（左）客串擔任課程導師。