蕭正楠反骨仔豁出去

被視為「最佳男配角」和「飛耀進步男藝員」頂頭大熱之一的無綫小生蕭正楠（Edwin），在《大太監》中的反骨太監「添壽」一角令人眼前一亮，Edwin強調有蛻變全靠祥仔：「我喺戲內戲外都叫祥仔做師傅，佢經常同我分享過去嘅經歷，又教我任何得失都應該用平常心面對，就算當初柴九拎視帝呼聲好高，佢都從來唔會話自己贏硬！所以我亦唔會諗會唔會攞獎，咁樣只會增加壓力。」

為了幫助入戲，Edwin更自度「瘌癩」頭：「我自己親手剃，咁樣先表達到嗰種折墮。以前拍戲我好貪靚，好驚自己唔夠靚仔，但依家我豁咗出去！」