朴喜秀多線儲彈藥

來港一年多的韓模朴喜秀（Heeju），原來最想做演員，更想去紐約發展演藝事業，她又在香港搞生意做老闆，落足力多線投資搵「彈藥」，為衣錦還鄉鋪路。

朴喜秀身高一米七五，單論一對長腿已經得天獨厚，但原來她一直不甘心只在模界發展，誓言要「轉行」做演員。她說：「其實我以前喺韓國係做演員，自己大學時亦係讀演戲出身，所以嚟香港做Model只係一個踏腳石，我想畀自己見識多啲，打好基礎之後就會衝出香港！」自言歌影視三棲的Heeju，自學中文去克服語言障礙，鬥心超強，難怪她高呼：「我要去紐約做演員！」

開舖頭做老闆

在香港除了模特兒事業，Heeju私底下亦自己搞生意，與友人夾份開舖頭賣韓國化妝品。作為半個老闆娘的她，經常親力親為駐守舖內吸引客源。要同時兼顧模特兒事業和個人生意，但她不怕辛苦：「我唔會視呢個係我嘅Part-time，我嘅生意同Modeling都係我嘅事業。我好想發大嚟搞，未來會喺香港開多幾間分店繼續搞。」要在香港儲夠「彈藥」，繼而返家鄉韓國再開店，甚有生意頭腦的她說：「遲啲我仲諗住將香港文化帶去韓國，要喺韓國開分店！」