黃建東「顛覆」歷史有前科

藝人黃建東（Derek）參演無綫節目《瘋狂歷史補習社》，最怕背歷史的他，慶幸獲賜良機繼續發揮其讀書時期瘋狂惡搞歷史的潛質，他說：「我最怕死背書，記得讀書時有次中史測驗我冇溫習，結果索性老作咗一段歷史嚟答一條關於明朝戰爭嘅題目，點知老師竟然對住全班同學讚我夠創意喎！搞到我都覺得自己係天生適合搞創作。今次拍《瘋》，好開心可以畀我試盡唔同年代造型，扮BB、扮阿伯、扮流氓、扮皇帝之餘，最開心係可以畀我發揮到讀書時期已經瘋狂惡搞歷史嘅潛質，真係好多謝公司畀呢個機會我緬懷童年嘅歲月，我試過喺舞台劇一人分飾19個角色，所以掌握角色上面都冇難度，雖然我好怕背書，但為咗演好呢個節目，我都好樂意惡補番啲歷史資料嘅！」