Celia K.生日Fans跪地求婚

o靚模Celia K.早前與Fans開P賀生日，High爆的她與好姊妹MeiMei咀嘴，更有Fans跪地求婚，氹得她笑逐顏開，緋聞男友張建聲冇到亦無損心情！Celia笑言歡迎各男士放膽追求，又自爆有追求者邀她到北海道過二人世界！

今年推出寫真集及拍攝情色電影《一路向西》的o靚模Celia K.（郭穎兒）人氣急升，成功吸納大批支持者！日前Celia生日，好姊妹曾善美（MeiMei）及十多位忠心Fans特別準備神秘生日會，其經理人公司起初夾計騙Celia需要工作，當她到場發現Fans後呆了一會才懂得反應，其後Fans向Celia送上心思禮物，令壽星女大感窩心！

High爆的Celia與MeiMei咀嘴及開香檳，Fans又逐一獻技氹壽星女，例如扮Lady GaGa大跳勁舞，又以長號吹奏生日歌，期間一名熱情男Fans「情不自禁」向Celia送花，更突然跪地求婚，引得伊人笑逐顏開，現場起哄聲不絕！

對張建聲不存厚望

Celia表示與緋聞男友張建聲（Justin）的煲水戀情傳到悶，生日願望是感情上有新衝擊，更放風呼籲各界男士放膽追求，並自爆有位條件不俗的圈外生意男趁機送機票：「佢買咗去日本北海道嘅機票，希望我哋二人世界慶祝生日，不過我要做嘢去唔到。（有發展可能？）都覺得佢幾有心，再觀察吓啦！」

至於Justin有否送禮？Celia透露與他及公司同事齊齊食飯，但笑言對他「唔會有乜期望」：「佢唔叻表達，要人猜度，其實我鍾意人直接啲。」她又希望新一年工作不停手，可盡快買大屋給家人：「我唔貪心，800呎就夠，因為我有四隻狗，想活動空間大啲。」