陳思欣索腿踩入模界

「翻版陳法拉」陳思欣（Eunice）與o靚模蔡穎恩（Evelyn）原是同校生，Eunice獲師姐教路，以38吋索腿出擊模界，並以甜笑取代性感，豈料她不以師姐為學習目標，反以名模陳嘉容為偶像。

號稱「翻版陳法拉」的Eunice憑甜到漏笑容及一雙38吋索腿進軍模界，原來不但與師姐Evelyn在同一間模特兒公司工作，更是同校生，難怪一見如故！Evelyn笑說：「Eunice初初加入公司，我覺得佢笑得好甜，後來先知我哋讀同一間設計學院，但唔同Year，原來真係我師妹！」Evelyn又即場教路「模界三招」：「要夠放、對鏡頭笑同聽攝影師意見。」她又認為師妹有過人之處：「佢對腳真係好長，又夠叻女，我睇好佢o架！」

以陳嘉容為偶像

Eunice見師姐教路，以招牌「陳法拉式」甜笑回應：「我望住Evelyn擺甫士嘩咗一聲呀！」雖然Eunice賣口乖，但心目中的偶像竟非師姐Evelyn，而是另有其人：「陳嘉容夠晒高，我都好想似佢咁成功！」對於o靚模界流行性感，Eunice即甜笑說：「唔會呀，我比較內斂！比堅尼嗰啲唔好喇！」噢！相信宅男正在揼心口……但不要緊！只要Eunice一笑，就算零性感都冇問題啦！