古巨基昨日出席代言活動，即場參與製作杯麵過程，更親自為杯麵畫上聖誕圖案。問到可會給「得力助手」Lorraine親手畫一個？基仔笑言會送一箱杯麵，至於會否畫上心心？他稱太老土，可像台灣放天燈般，寫上祝福詞句如「畀心機做嘢」。記者提議基仔把戒指放落杯麵求婚，他即笑說：「咁老土嘅劇情都諗到，隻戒指食咗落肚點算！（會排番出嚟？）過程諗起都核突喎！」
基仔被女工作人員捉住手仔包裝杯麵，唔驚Lorraine呷醋？
基仔笑住半跪，唔通想用杯麵預演求婚？
