葉翠翠周身傷浪費青春

藝人葉翠翠早前跌倒，以致腰骨骨裂，她在家休息數個月後，昨日終於復工，出席聖誕活動。今年先後弄傷腳及腰以致無法工作的她相當「黑仔」，她笑說：「朋友叫我去黃大仙拜吓，我一年可以四個月喺屋企唔出街，爸爸話我浪費青春！（搵少好多？）所以呢排做多啲活動，同埋有接劇！」翠翠的長期緋聞男友高鈞賢被指與粉絲拍拖，問到有否覺得甩難？她打趣說：「冇呀！我冇人要喇！」她又提起最難忘的聖誕節，是曾在探望留學時的監護人途中，因落大雪致汽車失靈，要在冰天雪地下推車。