論盡DaDa伸手入馬桶

o靚模陳靜（DaDa）前晚開工時自爆曾不慎把手機跌入馬桶，而她竟不理衞生，想也不想便伸手入馬桶撈回電話！

前晚o靚模陳靜（DaDa）為nowTV拍攝節目《撚價大拍賣》，外表「精甩辮」的她受訪時自嘲十分「論盡」：「之前我喺屋企帶埋部手提電話去廁所，本來我將部電話放喺洗手盆隔籬，點知洗手時唔小心整跌咗部電話落馬桶，我即刻諗都唔諗就伸隻手落馬桶執番，但可惜最後部電話都係壞咗，啲相同電話簿資料都冇晒！」她更大呻自己太衝動：「我即刻伸手落馬桶都係徒勞無功，早知我就搵個鉗去夾番部電話出嚟算啦！」

認貪小便宜

DaDa又指自己是「殺價天后」：「我細細個就陪媽咪喺街市買餸講價，所以我好鍾意講價，仲好貪小便宜！我最厲害試過唔使錢買一件衫！當時我素顏同老闆合照，氹到佢即刻免費送件衫畀我！」。另外，nowTV昨日宣布將會與Cable Thai Holding合作，在泰國推出3條頻道。nowTV高層何麗全表示公司的目標是將節目推廣到全世界，稍後亦會與新加坡合作。對於催促政府發放免費電視牌照一事，他說：「一路都有做緊工夫。（效法王維基搞造勢會?）唔會，大家策略唔同。」他表示沒留意對方的劇集，並強調nowTV會着重於香港及內地市場。