G.E.M.、羅力威和洪卓立等昨日出席校園活動，當G.E.M.唱完歌後，同學大叫Encore，她笑說：「你哋啲先生喺後面等緊你哋上堂，唱一首好喇！」
受訪時一臉倦容的羅力威表示習慣日頭睡覺：「依家好早，係學生先會咁精神！」又指將在工作中度過聖誕：「我不嬲都唔慶祝，香港冇咩好消遣，同埋我有好多歌債要還，通常都匿喺屋企作歌。」G.E.M.則表示不敢寄望奪女歌手獎：「我唔敢諗呀，諗咗就會好大壓力！反而我重視觀眾嘅支持同銷量多啲！」
G.E.M.、羅力威和洪卓立等在台下與一眾學生合照。
