亞姐(9)葉詩琪胸大多煩惱

16位《2012亞洲小姐競選》大中華總決賽候選佳麗昨日以泳裝見傳媒，大會表示(17)至(20)佳麗因辦理簽證而缺席。(9)葉詩琪豐滿身形頗具睇頭，她說：「其實係我呢排肥咗，香港太多美食啦！（滿意上圍豐滿？）我覺得反而係負擔，因為着衫唔夠人靚，又影響做運動，其實胸大、胸細唔重要，選美最重要做好自己。」之前曾表示紋身很正常的她，昨日突轉口風：「因為選美唔係咁接受到紋身，社會都接受唔到，我想返馬來西亞『剷』走紋身。（趕得切月中大中華總決賽？）應該選完之後先做到。（被淘汰就唔使剷？）到時再問經理人公司意見。」另外，(1)黃璧安對於被指有「半裸」照流出，她說：「原本張相我有着Bikini，張相畀人執過，我冇唔開心，因為大會好體諒我。對於Nude，我比較Open，如果係影大品牌或者宣揚有意義訊息，例如保護動物、防止乳癌咁，我冇問題。」