羅霖辭任仁美主席

仁美清叙主席羅霖早前與年輕男子傳緋聞，遭會長黎燕珊指摘貶低亞姐形象而爆罵戰，昨日她出席活動時說：「我已經遞咗辭職信，其實任期做到12月底就滿。（就快滿都辭職？）正常要遞信畀葉家寶（仁美顧問），我做咗兩年幾主席，一切都上晒軌道，風雨都過去，所有事都覺得唔係好大件事，好多嘢係一個誤會，我同珊姐（黎燕珊）都要照顧屋企。（有冇留戀？）做善事喺其他地方都可以做到。」而副主席黎淑賢接受電話訪問時亦透露已辭職：「我以私人理由向葉家寶Email辭職。」她否認被迫辭職，只是想專心湊仔。

另外，黎燕珊對於羅霖辭職一事毫不知情：「佢交咗信未？佢向邊個辭職？正常程序係由秘書長處理會務文件再向會長匯報，但我冇收過！佢早前私下發過短訊畀我，話需要多啲時間去照顧家庭，佢應該要循正式手續去做。」她又指月底會重選所有職位，故羅霖辭職是多此一舉。