陳豪膺「視帝」壯聲勢

陳豪及胡定欣前晚在《第17屆亞洲區電視大獎2012》分別憑《天與地》和《拳王》勇奪最佳男主角和最佳女配角，昨日在電視城舉行祝捷會慶祝，陳豪開心得狂噴香檳。問到得獎會否增加奪台慶頒獎禮視帝的信心？陳豪說：「平常心啦！有冇獎唔重要。（為《天與地》爭一口氣？）其實我表現唔係好突出，但係個劇本好，劇種特別，《天與地》會有自己嘅榮譽！」陳豪指女友陳茵媺戥他開心，但不會特別慶祝。而定欣早前已憑《拳王》在馬來西亞的頒獎禮勇奪「女配」，問到有否信心在台慶再下一城？她說：「希望啦！（男友點獎勵你？）佢有傳短訊恭喜我！（幾時結婚？）唔好住，拎埋女主角先！」