苟芸慧收名錶唔受溝

宅男女神苟芸慧與梁烈唯昨日分別為即將舉行的台慶頒獎禮試首飾，以Tube Dress上陣的苟姑娘露出香肩及心形胸，問到入行後有否收過名貴首飾？她說：「有呀！係名錶！（佢想追你？）我都分唔清，因為嗰次係我生日，我唔想諗得太複雜，但最後都冇同佢發展，可能緣分未到。」

至於梁烈唯則表示未曾送過首飾給女友：「佢唔鍾意呢啲嘢，淨係鍾意我！不過拍拖十周年嗰陣，諗過買隻靚錶畀佢，但最後因為太貴而冇買。」他又透露家人曾催促他先買樓：「佢哋話如果突然間有咗，個BB都有地方住。」當問到是否意味平日不設防才擔心「有意外」？他尷尬地說：「唔係！平時有做足工夫，但個天想送畀你嘅話，擋都擋唔住！」