「有片依家又話冇」秋生促警方做嘢

黃浩近日因藝人涉嫌吸毒及掌摑事件成為新聞人物，不過此舉卻引來公憤，圈中人紛紛認為黃浩處理不當，向來敢言的黃秋生，昨日接受電話訪問時更揶揄黃浩，他說：「呢單嘢唔係報咗案咩？原本有片依家又話冇片，即係報假案？咁警方係咪要做番啲嘢！搞到我都唔係好清楚件事係點。（呢個報道未搞清楚情況下，有傳媒騷擾陳奕迅家庭成員！）都冇法，報道手法係咁，本身唔識黃浩，亦冇去過事發地點食嘢！」秋生更指未曾受過毒品引誘，自稱年紀大：「要引誘都引啲o靚妹，嘥氣，知我係咩人，有兩支酒就擺低啦！」

杜汶澤說：「件事交咗畀警方處理，不過見到陳奕迅同徐濠縈兩個咁低調嘅人都出嚟講嘢，真係好正，總算還佢哋一個清白囉！」