男人可佩戴的飾物不多，有「翻版周杰倫」之稱的歌手陳日豐鍾愛身上的手製眼鏡頸鏈，他說：「呢條頸鏈係我自己整嘅，本身個眼鏡框係一條鎖匙扣，我見佢幾靚，咪自己手多多，整成一條頸鏈囉！」他自言喜愛穿西裝褸，再配襯這條頸鏈，斯文得來又帶點帥氣，相當Match！
問到眼鏡框可有特別意義？作為唱作歌手的陳日豐說：「自己好鍾意眼鏡外形嘅飾物，因為我鍾意佢四四方方、整整齊齊，而且眼鏡寓意擴闊眼光，感覺上戴住佢可以畀到好多創作靈感我！」
陳日豐唔只作歌叻，連手作仔都有番咁上下，竟想出自製眼鏡頸鏈！
陳日豐戴埋「傑作」上台唱歌，特別好唱口。
