吳綺莉硬啃無情雞

女藝人吳綺莉(Elaine)在毫無先兆的情況下被商台叮出主持行列,她感不滿並大爆有同事多次辱罵她唔掂及Hea,Elaine覺得聲譽受損,更因此Down爆失眠。

吳綺莉(Elaine)於八月時透過商台高層陳志雲介紹,主持電台節目《1圈圈》,雙方簽下短期合約至明年一月,但近日Elaine突然被電台單方面終止合約,她坦言不滿。有傳電台認為Elaine跟拍檔梁泰來(Terry)的表現不達標,但志雲為保愛將Terry而犧牲她,Elaine激動地說:「我唔想執着呢啲嘢!依家係有人不斷中傷我,話我Hea、懵懵吓!我仲未退休,唔好毀壞我聲譽!(Terry中傷你?)唔係!(搵陳志雲傾?)冇呀!佢好忙,佢都冇主動搵我。」

多番被針對捱罵

她自爆曾被某同事多番針對,閂埋門鬧她唔掂:「佢鬧我係咪喺內地住得耐,做咩請郎朗做嘉賓,話佢講國語,香港人唔識聽。」情緒受困致失眠的Elaine表示曾力邀惠英紅、鄧萃雯及栢芝媽等上節目,並已邀得王維基及甘國亮於本周亮相,現時處境可謂進退兩難:「郎朗同阿叻(陳百祥)嘅訪問仲未出街,我唔想畀人覺得不負責任,所以要澄清!」她透露獲無綫高層致電關心,至於會否向商台索償?她表示會交由其TVB經理人研究。

拍檔指情緒激動

Terry則表示有跟Elaine通過電話,對方確實情緒激動,對於有傳他中傷Elaine,他說:「唔回應,冇所謂啦!(佢主持成點?)唔再講喇!」商台人事部則強調與Elaine只是暫時終止合約,明日生效,但不存在被炒:「一早話係嘗試合作,會不定期換人。」另外,有指黎芷珊將頂上做主持,電台未有正面回應,黎芷珊則承認月中後開工,但不清楚是否頂替Elaine。

影視組

吳綺莉突然被叮出商台,表示情緒受困致失眠。

有傳Elaine(中)和拍檔Terry(右一)的表現未達標。

黎芷珊將主持電台節目,但否認搶吳綺莉飯碗。