藝人賈曉晨（JJ）昨日在旺角鬧市出席手機活動，但比原定時間勁遲四十五分鐘！微露事業線的她到場後暗寸無綫發通告混亂：「今日先收到《好心作怪》三點外景通告，仲要遲一個鐘先開拍，所以趕唔切四點三過到嚟！對唔住呀！我都好激氣！（PA出錯？）唔想講任何人錯！不過我都好唔滿意安排！佢哋遲到唔係我問題，我覺得難以接受！」並透露聖誕節會在工作中度過：「做藝人身不由己！（同男友樊少皇過？）佢都要拍電影呀！不過希望可以喺世界末日前見一見！」
JJ大擺嬌俏甫士，順便騷胸！
