葉玉卿復出囡囡喊爆

「性感女神」葉玉卿前晚現身香港機場，並承認接拍邵氏賀歲片《我愛HK2013恭喜發財》。

卿卿1996年定居美國，多年來未有參與幕前演出，她表示今次返港拍戲全因心癮起：「樂小姐同志偉打畀我，話同Alan（譚詠麟）合作，加上我又未拍過賀歲片，劇組又就到時間，好多嘢夾埋許可。」她笑言要體驗生活，以往是為生活而拍，今次為興趣而復出。

卿卿婚後一直相夫教子，她指復出拍戲要先得子女首肯：「啲細路開頭話我應該要拍，但我真係決定咗之後，個女就開始喊，我一落機就收到佢哋嘅短訊，我依家都好掛住佢哋。」