陳法拉孭緋聞上身

陳法拉早前與張智霖（Chilam）到法國拍《衝上雲霄II》，有傳她勾引Chilam，令對方太太袁詠儀（靚靚）嬲爆。昨日《衝》劇又拉大隊到台灣拍外景，法拉預咗畀人跟，更豪情地說：「出親埠都有緋聞傳，我已有心理準備，我孭晒又點話啫，正負面都得，由我一力承擔。」她指出街相明顯是劇照，一班人經常外出食飯，但食飯相冇人影。

除法拉外，同行的演員包括江美儀、胡杏兒、馬國明及鄧梓峰等、吳鎮宇與Chilam最遲到機場，Chilam否認是避與法拉合照，亦不擔心緋聞激嬲老婆：「佢都係圈中人，點會唔明圈中事，使乜解釋。」