周秀娜三尖八角眼鏡最啱襯

性感女神周秀娜(Chrissie)形象百變,更有鋪收藏癮!太陽眼鏡、耳環及冷帽統統啱,家中擁有逾百副眼鏡及墨鏡的她說:「平時習慣唔化妝出街,所以都會買定啲眼鏡,可以變吓唔同Look!但我成日忍唔到手,買到畀媽咪鬧我得一對眼、一個頭戴唔戴得晒咁多副眼鏡!」在她眾多的收藏中,當然不乏有特色的眼鏡,近日她購入一副綠色三角形眼鏡,誇張得只適合收藏。她到外地旅行或工作時也會到懷舊舖物色Vintage款的眼鏡,問到買過最貴的眼鏡多少錢?知慳識儉的Chrissie說:「我唔會睇價錢,見到鍾意就買!好平或好貴都有,最平街邊十幾蚊、最貴都係幾千蚊,絕對唔會過五位數,我未去到咁敗家,除非好鍾意或好實用,但用嚟儲就唔使咁貴。」

面對如畫風光,周秀娜戴上型格黑超,甚有生活態度!

周秀娜戴番副粗框大眼鏡,扮Cute冇難度!

呢副綠色三角形眼鏡,相信非凡人能夠駕馭。