雨僑被禁拍拖出埠
雨僑前晚與韓國組合2NE1成員CL等出席美國鬼才時裝設計師Jeremy Scott的私人派對，她笑言Jeremy曾讚薛凱琪香，故她刻意噴了不少香水，但她坦言沒有儲Jeremy的產品：「要錢o架嘛！我好少買衫，一個月用唔到2千蚊買嘢，超慳家，我啲錢留嚟食同去旅行！」她將到泰國旅行，但並非與緋聞男友羅力威同行：「我未試過同男仔單獨去旅行，媽咪好保守，唔畀。」同場的姜麗文則透露父親秦沛思想傳統，不喜歡她作性感打扮：「新劇演同性戀者，拍親密戲會接觸到敏感部位，我影咗張相畀佢睇，但佢話唔想見到。」
